Vadapav

वडापाव
गरमा गरम वडा आणि लुसलुशीत पाव
मधेच लाल चटणी दाण्याची लाव
मिरची खा चवीला अधून मधून
दाद दे तिला किंचित ठसकून......

डोळ्यात पाणी येईल लागेल थोडा खाट
तरी संपव सगळा मज्जा आहे त्यात
आता मात्र एक कर, नको पिउस मिल्कशेक
खमंग चव तशीच जिभेवर राहू देत....

हॉटेलात नाही जमायचा हा फर्मास बेत
हातगाडीवरच मिळते स्पेशल प्लेट
दोन्ही हातात धरुन घास तोडायचा
मॅनर्सना बिनधास्त पूर्णविराम द्यायचा....

गरिबाचं जेवण अशी याची आहे टर्म
मधल्या वेळी खातात काही जस्ट फॉर फन
पण Potato and bun मधे वडा पावची मजा नाही
आणि नंतर फक्कड़ चहा शिवाय खादाडीला रजा नाही.

अमृता