निनावी कविता

माझा कविता लिहायचा एक प्रयत्न

अधीर अधीर मनाची , सरल तरल व्यथा
बधीर बधीर झाले रे, तुज काय सांगू कथा।
घनगहिऱ्या प्रीतीचा, मज लागतसे ना थांग
तुझी बावरी झाले पुरती, काय करू मी सांग।
तुझ्यासवे असताना, जीव कस्पटापरी होई
थवा कोवळ्या स्वप्नांचा, हलकेच स्पर्शुनी जाई।
ओंजळभरल्या हातांनी, मी किती साठवू पाही
कणाकणानी तरीही कसा, रिता खजिना होई।
वेडे मन मग सांगे, तू सोडू नको हा हट्ट
कधीतरी जमेल सहज, होईल पकड घट्ट।
तेव्हा मात्र मग तू, पाऊल मागे घेऊ नकोस
नको नको म्हणून मग, वेडया मना थांबवु नकोस।
अमृता